Lyuksemburg 50 million yevrolik raqamli davlat obligatsiyasini chiqaradi

Lyuksemburg Moliya vazirligi HSBC’ning Orion DLT platformasi orqali 50 million yevrolik raqamli davlat obligatsiyasini chiqardi. Ushbu obligatsiya Lyuksemburg fond birjasida ro‘yxatga olinadi va nol kuponli obligatsiya hisoblanadi, ya’ni nominal qiymatidan 99,03% chegirma bilan sotiladi, biroq olti oydan so‘ng to‘liq qiymatda qaytarib olinishi mumkin. O‘tgan yil iyul oyida Sloveniya tomonidan 30 million yevrolik obligatsiya chiqarilganidan so‘ng, bu DLT texnologiyasi yordamida obligatsiya chiqargan ikkinchi Yevropa davlati bo‘ldi. DLT’ning eng katta afzalliklaridan biri — chiqarish jarayonini tezlashtirish va samaradorlikni oshirish imkoniyati bo‘lib, bu xarajatlarni kamaytirish va shaffoflikni kuchaytirishga yordam beradi.